VII-XI əsrlərə aid daş qutu qəbirlər aşkarlandı | Oğuz

Oğuzun Xaçmaz kəndində, Qalaçayının sol sahilində 15-ə yaxın qəbir aşkar edilib.

Kənd sakinlərinin sözlərinə görə, son vaxtlar suyun səviyyəsinin artması çayın məcrasını dəyişib. Nəticədə yamacda olan torpaq qatı yuyulub və daş qutu qəbirlər ortaya çıxıb.

Xaçmaz kənd sakini, tarix müəllimi Vüsal Əlfiyevin sözlərinə görə, qəbirlərin içərisində hələ də insan skeletlərinin qalıqları qalmaqdadır:

“Təxminən 30 il əvvəl də sel suları nəticəsində çoxlu qəbirlər çıxmışdı. Amma maraqlanan olmadığına görə onların böyük əksəriyyəti sel sularına qarışaraq yoxa çıxdı. Ola bilsin ki, burada böyük bir döyüş olub. Döyüşçüləri çay kənarına dəfn ediblər”.

Mütəxəssislərin fikrinə görə, indiyədək araşdırılmayan bu qəbirlər vaxt keçdikcə itib gedəcək. Qalaçayına sel gəldikcə bu proses daha da sürətlənəcək. Odur ki, ərazinin tədqiqinə ehtiyac var.