Yanğında yaralanan var? - FHN-dən Bakıdakı qorxulu hadisə barədə məlumat
“Nəsimi rayonu, Nizami küçəsində yerləşən elektronika malları anbarı və qida istehsalı sexində yanğın baş verməsi haqqında Fövqəladə Hallar Nazirliyinin “112” qaynar xəttinə saat 10:51-də çağırış daxil olub”.
Bunu hadisə yerində jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin rəis müavini Taleh Babayev deyib.
O bildirib ki, dərhal yanğın yerinə Dövlət Yanğından Mühafizə Xidmətinin, eləcə də Xüsusi Xilasetmə Xidmətinin qüvvələri və Bakı Regional Mərkəzinin şəxsi heyəti cəlb olunub:
“Hazırda yanğın məhdudlaşdırılıb, söndürülməsi istiqamətində işlər həyata keçirilir. Baş vermiş yanğın zamanı yaxınlıqda olan çoxmənzilli yaşayış binasında insanların təhlükəsizliyini təmin etmək üçün təxliyə işləri həyata keçirilib. Ümumi sahəsi 2400 kvadratmetr olan obyektin 360 kvadratmetr hissəsi yanıb. Anbarda baş vermiş yanğın zamanı malların demək olar ki, müəyyən bir hissəsi alova məruz qalıb, amma böyük bir hissəsi mühafizə olunub”.
T.Babayevin sözlərinə görə, yanğın zamanı xəsarət alan olmayıb. Yanğının hansı səbəbdən baş verməsi araşdırmadan sonra bəlli olacaq.
#Nəsimi rayonu teqi istifadə olunub
- Paytaxtın mərkəzində yol çökdü, təhlükəli vəziyyət yarandı - Baku TV
- Otaq yoldaşını yatdığı yerdə öldürdü | Bakıdakı dəhşətli qətlin təfərrüatı - Baku TV
- Dostunun 1400 manat pulunu oğurlayan şəxs saxlanıldı - Baku TV
- Bakıda oğurluq edən şəxslər ələ keçdi
- "Belə getsə, tarixə qovuşacaq" | Bakının "Kubinka" məhəlləsindən reportaj - Baku TV
