Yasamalda soyğunçuluq edən Sumqayıt şəhər sakinləri saxlanılıb
Yasamal rayonunda soyğunçuluq edən Sumqayıt şəhər sakinləri saxlanılıblar.
Daxili İşlər Nazirliyindən verilən xəbərə görə, Yasamal Rayon Polis İdarəsinin 29-cu Polis Şöbəsinə paytaxt sakini olan bir nəfər müraciət edərək bildirib ki, rayon ərazisində tanımadığı iki nəfər onun 200 manat dəyərindəki mobil telefonunu soyğunçuluq yolu ilə əlindən alıb.
Şöbə əməkdaşları tərəfindən həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən, əvvəllər məhkum olunmuş Sumqayıt şəhər sakinləri – 2001-ci il təvəllüdlü Vüqar Məmmədov və 1992-ci il təvəllüdlü Ceyhun Bəylərov saxlanılıblar.
Soyğunçuluq edən şəxslərin qanunsuz hərəkətləri əraziyə quraşdırılan kameralar vasitəsilə də qeydə alınıb.
Faktla bağlı 29-cu Polis Şöbəsində toplanan materiallar araşdırmaların davam etdirilməsi üçün Yasamal RPİ-nin İstintaq Şöbəsinə göndərilib.
#Yasamal rayonu teqi istifadə olunub
- Bakıda yeraltı keçiddə eskalator qırıldı - Baku TV
- Sakinlər istiliyə görə binanın həyətində ocaq qaladılar | MTK binanı niyə təhvil vermir? - Baku TV
- "Nizami" metrosu ətrafındakı köhnə binalar sökülür
- 98 saylı bağçada uşaqlar ac qalır? | Valideynlər şikayət edir
- Şəhid məzarlarında ağlasığmaz əməl: Niyə bu hala düşdük? | Hiddət doğuran hadisələr - XÜLASƏ
