Yasamaldakı qandonduran cinayətin təfərrüatı | Hər şey üzə çıxdı

Paytaxtın Yasamal rayonunda qətl hadisəsi baş verib.

Hadisə rayonun Hüseyn Cavid prospekti, 546 ünvanında yerləşən çoxmərtəbəli yaşayış binasındakı mənzillərdən birində qeydə alınıb.

Məlumata görə, Emin Ağacanov aralarında yaranan mübahisə zamanı İradə Muradovanın başına güldanla çoxsaylı zərbələr endirib. Qadın aldığı xəsarətlərdən hadisə yerində dünyasını dəyişib.

Hadisə ilə bağlı Baş Prokurorluğun Mətbuat Xidmətindən verilən məlumata görə, ilkin araşdırmalarla 1977-ci il təvəllüdlü Emin Ağacanovun aralarında yaranmış mübahisə zamanı tanışı İradə Muradovanı qəsdən öldürməsinə əsaslı şübhələr müəyyən edilib.

Faktla bağlı Yasamal Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Emin Ağacanov iş üzrə şübhəli şəxs qismində tutulub. Hazırda istintaq davam edir.