Yevlaxda avtomobil qəzası | Xəsarətalanlar var

Yevlaxda iki avtomobilin toqquşması nəticəsində 8 nəfər xəsarət alıb.

Hadisə Xaldan-Mingəçevir yolunun Yevlax rayonu ərazisindən keçən hissəsində qeydə alınıb.

Xəsarət almış üç uşaq, üç qadın və iki kişi Mingəçevir Şəhər Mərkəzi Xəstəxanasına yerləşdirilib.

Bir nəfər ağız nahiyəsindən ağır xəsarət aldığından əməliyyata götürülüb, digərlərinin vəziyyəti orta ağır və kafi qiymətləndirilir.

Faktla bağlı araşdırma aparılır.