Yol həmişə qatarındır, amma... | ADY-dən hadisə ilə bağlı təcili açıqlama

Bakıda sürücü diqqətsizliyi növbəti dəfə dəmiryol xəttində qəzaya səbəb olub.

Bu barədə “Azərbaycan Dəmir Yolları” QSC-dən məlumat verilib.

Qeyd olunub ki, “Mercedes Vito” markalı mikroavtobus Binə-Qala sahəsində hərəkətdə olarkən xəbərdarlıq nişanlarına məhəl qoymadan yüksək sürətlə dəmiryol xəttini keçməyə cəhd edib və qatara çırpılıb.

ADY nəqliyyat vasitələri sürücülərini “Yol hərəkəti haqqında” Azərbaycan Respublikası Qanununun 44-cü maddəsinin tələblərinə ciddi riayət etməyə çağırır.

“Qaydaları pozan sürücülər sadəcə 100 AZN məbləğində cərimələnmir, özünün və sərnişinlərin həyatını da riskə atırlar”, – məlumatda bildirilib.