1700 idmançı arasında 2 versiyada dünya çempionu olan Eduard Məmmədovun GENİŞ MÜSAHİBƏSİ

“Bu yarışa məqsədlə hazırlaşırdım. Öz rekordumu yeniləmək istəyirdim. 2009, 2019 və keçən ilki Avropa çempionatında iki qızıl medal əldə etmişdim. Bu il də WAKO versiyası üzrə 2 növdə döyüşərək qızıl medal qazandım”.

Bunu Baku TV-yə açıqlamasında Portuqaliyanın Albufeyra şəhərində kikboksinqin WAKO versiyası üzrə keçirilən dünya çempionatında veteranların yaş kateqoriyasında 2 qızıl medal qazanan Eduard Məmmədov deyib.

63 kq çəki dərəcəsində "layt kontakt" və "kik layt" növlərində fəxri kürsünün ən yüksək pilləsinə qalxan idmançı yarışın çox çətin keçdiyini bildirib:

“İki gün ərzində 6 döyüş keçirdim. Birinci gün 4, ikinci gün isə 2 döyüşə çıxdım. İki versiya üzrə yarışmaq çox çətin idi. 1700 iştirakçı arasında yeganə idmançıyam ki, iki versiyada döyüşərək qızıl medal qazandım”.

Eduard Məmmədov yarışda iştirak edən tələbələrindən də bəhs edib: “Bu yarış mənim üçün 2 qat çətin idi. Özümlə yanaşı, həm də tələbələrim də döyüşürdü. Elə olurdu ki, döyüş qurtaran kimi mən tez geyinib onlarına yanına qaçırdım, istiqamətlər verirdim”.