AFFA İntizam Komitəsinin iclasnda ölkə kubokunun final matçında yaşananlarla bağlı qərar verilib
AFFA İntizam Komitəsinin iclası keçirilib.
İclasda Azərbaycan kubokunun “Qarabağ” – “Sabah” final matçında yaşanan hadisələrlə bağlı qərarlar verilib.
Verilən qərarlara əsasən, “Qarabağ”da 4 nəfər sarı vərəqə aldığı üçün klub 700 manat cərimə edilib. Oyunun 120-ci dəqiqəsində “Qarabağ”ın məşqçisi Müşfiq Hüseynov meydançaya daxil olaraq hakimin qərarına etiraz etdiyinə görə birbaşa qırmızı vərəqə aldığı üçün 2 oyun cəzalanıb, klub 1500 manat cərimələnib.
Qərarda qeyd edilib ki, oyunun 120-ci dəqiqəsində “Qarabağ”ın futbolçusu Yassin Benzia hakimi təhqir etdiyinə görə birbaşa qırmızı vərəqə aldıqdan sonra onlara fiziki təzyiq göstərməyə cəhd etdiyinə görə 5 oyun cəzalanıb, “Qarabağ” 3000 manat cərimələnib.
Sözügedən qarşılaşmada “Qarabağ” azarkeşləri pirotexniki vasitədən istifadə edildiyinə görə klub 1500 manat cərimə edilib.
Beləliklə, AFFA tərəfindən Ağdam təmsilçisinə ümumilikdə 6700 manat məbləğində maliyyə sanksiyası tətbiq olunub.
"Sabah" da maddi cəzadan qaça bilməyib. Həmin matçda “Sabah”ın 5 futbolçusu sarı vərəqə aldığı üçün klub 700 manat cərimə edilib. “Sabah” azarkeşləri tərəfindən pirotexniki vasitədən istifadə edildiyinə görə klub 1500 manat cərimələnib.
#Qarabağ FK teqi istifadə olunub
- "Qarabağ" UEFA-ya niyə müraciət etdi? - Yeni idman xəbərləri - Baku TV
- "Qarabağ" Bakıda "Nyukasl"ı qəbul edəcək | Ev oyununda təmsilçimizin şanslarını dəyərləndirdik
- "Qarabağ" hansı məşhur oyunçu ilə gücləndi? - Yeni idman xəbərləri - Baku TV
- "Qarabağ"ın uğurlu nəticəsi | Qurban Qurbanov və Kurban Berdıyevdən açıqlamalar- Baku TV
- Futbol üzrə Azərbaycan Premyer Liqasının daha bir turu geridə qaldı | İDMANDA NƏ BAŞ VERİR?
