Pleyeri seçin:
Almaniya Super Kubokunda qalibin adına aydınlıq gəlib
Futbol üzrə Almaniya Super Kubokunda qalibin adına aydınlıq gəlib.
Sözügedən matçda ötən mövsüm Bundesliqanın qalibi olan “Bavariya” və çempionatı 3-cü pillədə tamamlayan "Leypsiq" üz-üzə gəlib. “Alyans Arena”da keçirilən qarşılaşmada hesab artıq 3-cü dəqiqədə açılıb. “Leypsiq”in heyətindən Dani Olmo fərqlənib. İlk hissənin sonuna doğru D.Olmo dubl edib – 0:2.
İkinci yarıda da “Bavariya”nın cəhdləri nəticəsiz qalıb. 68-ci dəqiqədə penaltini dəqiq yerinə yetirən Dani Olmo het-trik müəllifi olub. Bununla da "Leypsiq" tarixində ilk dəfə Almaniya Super Kubokunu qazanıb.
Maraq üçün deyək ki, bu günə qədər 10 dəfə ölkə Super Kubokunu qazanan “Bavariya” 2020-ci ildən bəri ilk dəfə məğlub olub.
Kopyalandı
