Atıcılıq üzrə dünya çempionatında növbəti qaliblər müəyyənləşdi

19 avqust 2023 382 baxış

Bakıda keçirilən atıcılıq üzrə 53-cü dünya çempionatında kişilər arasında stend atıcılığının dairəvi növündə qalibin adına aydınlıq gəlib.

Bu kateqoriyada yunanıstanlı Eftimios Mitas 56 dəqiq atışla qızıl medala sahib olub. Ondan az fərqlə geri qalan finlandiyalı Eetu Kallioinen 2-ci, misirli Azmi Mehelba isə 3-cü pillədə qərarlaşıb.

Stend atıcılığının dairəvi növündə komanda yarışında ən yaxşı nəticəni ABŞ təmsilçiləri göstəriblər. Yunanıstan və İtaliya nümayəndələri isə müvafiq olaraq 2-ci, 3-cü yerləri tutublar.

Qeyd edək ki, bu gün həm də kişilər arasında 10 metr məsafəyə pnevmatik tüfəngdən atəş açmada qalib məlum olub. Bu növdə qızıl medalı isveçli Viktor Lindqren qazanıb.

Xatırladaq ki, avqustun 14-də start götürən atıcılıq üzrə dünya çempionatı sentyabrın 1-dək davam edəcək. Atıcılıq mərkəzində təşkil olunan turnirdə 1239 idmançı mübarizə aparır.

#Atıcılıq idmanı