AVRO-2024-də daha 3 oyun keçiriləcək
Almaniyada keçirilən futbol üzrə Avropa çempionatında bu gün növbəti oyunlar olacaq.
A qrupu çərçivəsində baş tutacaq günün ilk qarşılaşmasında Macarıstan kollektivi İsveçrə seçməsi ilə üz-üzə gələcək.
Köln şəhərində təşkil olunacaq görüş Bakı vaxtı ilə saat 17-də başlayacaq. Baş hakim isə sloveniyalı Slavko Vinçiç olacaq.
Digər matçda İspaniya və Xorvatiya yığmaları münasibətlərə aydınlıq gətirəcək. B qrupunda yer alan komandaların oyunu Berlinin “Olimpiyaştadion” arenasında keçiriləcək. Saat 20-də start götürəcək oyunu ingiltərəli Maykl Oliver idarə edəcək.
Günün son qarşılaşması da B qrupu çərçivəsində keçiriləcək. AVRO-2020-nin qalibi İtaliya millisi Albaniya yığması ilə qarşılaşacaq. Dortmunddakı “Siqnal İduna Park” arenasında keçiriləcək bu oyun isə saat 23-də başlayacaq.