Pleyeri seçin:
AVRO-2024-də növbəti finalçının adına aydınlıq gəlib
AVRO-2024-də II finalçının adına aydınlıq gəlib.
Dortmunddakı “Siqnal İduna Park”da keçirilən oyunda Niderland və İngiltərə milliləri qarşılaşıblar.
Oyunda hesab 7-ci dəqiqədə açılıb. “Narıncılar”ın heyətindən Xavi Simons fərqlənib. 18-ci dəqiqədə britaniyalılar tarazlığı bərpa etməyi bacarıblar. Harri Keyn 11 metrlik cərimə zərbəsini dəqiq yerinə yetirib. Komandalar fasiləyə bərabərliklə yollanıblar.
İkinci yarıda İngiltərə millisi üstünlüyü ələ almağı bacarıb. Əsas vaxta əlavə olunan dəqiqələrdə Olli Uotkins britaniyalıların qələbə qoluna imza atıb.
Qeyd edək ki, finala vəsiqə əldə edən İngiltərə İspaniya seçməsinə rəqib olub. Həlledici qarşılaşması iyulun 14-ü, saat 23:00-da Berlində keçiriləcək.
Kopyalandı
#AVRO-2024 teqi istifadə olunub
