Pleyeri seçin:
AVRO-2024: İspaniya millisi Gürcüstan yığması ilə qarşılaşıb
AVRO-2024-də 1/8 final mərhələsinin növbəti matçı Köln şəhərində keçirilib.
“Rayn Enerqi” stadionunda İspaniya millisi Gürcüstan komandası ilə üz-üzə gəlib.
Oyuna pireneylilər sürətli hücumlarla başlasa da, hesabı gürcülər açıb. 18-ci dəqiqədə Kakabadzenin ötürməsindən sonra Le Norman avtoqol müəllifi olub.
Buraxılan topdan sonra fəallaşan “Qırmızı Furiya” 39-cu dəqiqədə bərabərlik qolunu vurub. Rodrinin zərbəsi dəqiq alınıb: 1-1. İlk hissə bu hesabla bitib.
51-ci dəqiqədə Fabian Ruis 2-ci topu Gürcüstan yığmasının qapısına göndərib. 76-cı dəqiqədə Niko Uilyams fərqi artırıb: 3-1. Qarşılaşmada son nöqtəni Dani Olmo qoyub.
Beləliklə, görüşdə 4-1 hesabı ilə qalib gələn İspaniya millisi 1/4 finalda Almaniya komandasına rəqib olub. Bu oyun iyulun 5-i Ştutqart şəhərində keçiriləcək.
Kopyalandı
