Pleyeri seçin:
AVRO-2024 | Niderland - Türkiyə matçı
AVRO-2024-də yarımfinalın son iştirakçısı Berlində müəyyənləşib.
“Olimpiyaştadion” arenasında Niderland və Türkiyə milliləri üz-üzə gəlib.
Qarşılıqlı hücumlar şəraitində keçən matçda hesab 35-ci dəqiqədə açılıb. Samet Akaydın “ay-ulduzlular”ı irəli çıxarıb: 1-0. Niderland futbolçuları buraxılan topdan sonra hücumlarını sürətləndirsələr də, fasiləyə geridə yollanıblar.
2-ci yarıda “narıncılar” təzyiqi bir qədər də artırıblar. Onların səyləri 70-ci dəqiqədə nəticə verib. Stefan de Frey bərabərliyi təmin edib: 1-1. Bir qədər sonra Kodi Qakpo 2-ci topu Türkiyə yığmasının qapısına göndərib. Qalan vaxtda başqa qol olmayıb və 2-1 hesablı qələbə qazanan Niderland yığması yarımfinala adlayıb.
Komanda bu mərhələdə İngiltərə seçməsi ilə qarşılaşacaq. Bu oyun iyulun 10-u Dortmund şəhərində təşkil olunacaq.
Xatırladaq ki, Avropa çempionatının finalı iyulun 14-ü Berlində keçiriləcək.
Kopyalandı
#AVRO 2024 teqi istifadə olunub
Seçilmişlər
