AVRO-2024 | Rumıniya - Ukrayna matçı

AVRO-2024-ün növbəti oyun günündə E qrupunda mübarizəyə start verilib.

İlk matçda Rumıniya və Ukrayna milliləri qarşılaşıb.

Münhenin “Alyans Arena” stadionunda keçirilən görüşdə hesab 29-cu dəqiqədə açılıb. Nikolaye Stançu qapını dəqiq nişan alıb. İlk hissə 1-0 hesabı ilə yekunlaşıb.

Fasilədən sonra da təşəbbüs Rumıniya komandasında olub. Nəticədə 53-cü dəqiqədə Rezvan Marin 2-ci topu ukraynalıların qapısından keçirib.

Az sonra fərq 3-ə yüksəlib. Bu dəfə Denis Drequşun zərbəsi dəqiq alınıb. Qalan vaxtda başqa qol olmayıb və qarşılaşma Rumıniya komandasının 3-0 hesablı qələbəsi ilə bitib.

Qeyd edək ki, Ukrayna seçməsi iyunun 21-i 2-ci tur çərçivəsində Slovakiya ilə üz-üzə gələcək. İyunun 22-si isə Rumıniya – Belçika görüşü keçiriləcək.