Azərbaycan çempionatı: “Neftçi” komandası “Səbail”in qonağı olub

17 mart 2025 245 baxış

“Neftçi” komandası Premyer liqada növbəti matçına çıxıb.

“Ağ-qaralar” 27-ci turda “Səbail”in qonağı olub.

Qarşılaşmada hesab 17-ci dəqiqədə açılıb. Filip Ozobiç qapını dəqiq nişan alıb.

29-cu dəqiqədə fərq artıb. Elvin Camalov “Səbail”i 2-ci dəfə oyuna mərkəzdən başlamağa məcbur edib.

Fasilə ərəfəsində Rüfət Abdullazadə toplardan birinin əvəzini çıxıb. İlk hissə 2-1 hesabı ilə yekunlaşıb.

2-ci yarıda meydan sahibləri məğlubiyyətdən qurtulmağa çalışsa da, qonaqlar sərfəli nəticəni qorumağı bacarıblar.

Görüşü qalib tamamlayan “Neftçi” xallarının sayını 31-ə çatdırıb. Hazırda çempionatda 6-cı yerdə olan komanda 5-ci pillədəki “Sabah”dan 4 xal geri qalır.

Qeyd edək ki, “Neftçi” Premyer liqada növbəti matçı “Araz-Naxçıvan”a qarşı keçirəcək. Martın 29-u paytaxt təmsilçisinin stadionunda təşkil olunacaq oyun saat 16:45-də başlayacaq.

#Neftçi FK