Pleyeri seçin:
Azərbaycan millisinin sabiq üzvü Şəhriyar Rəhimov dünyasını dəyişib
Azərbaycanlı sabiq futbolçu Şəhriyar Rəhimov vəfat edib.
Uzun müddətdir ağır xəstəlikdən əziyyət çəkən millimizin sabiq üzvü 34 yaşında dünyasını dəyişib. Bildirilir ki, o, müalicə aldığı Türkiyədə vəfat edib.
Qeyd edək ki, Şəhriyar Rəhimov karyerası ərzində “İnter Bakı”, “Karvan”, AZAL, “Rəvan”, “Kəpəz”, “Zirə” və “Səbail” klublarında çıxış edib. 2022-ci ildə xəstəliyi səbəbi ilə futbolla vidalaşan Rəhimov bütün turnirlər nəzərə alınmaqla ümumən 256 matçda iştirak edib və 14 qolla yadda qalıb.
Müdafiəçi mövqeyində çıxış edən oyunçu 2018-2019-cu illərdə Azərbaycan millisinə də çağırılıb. Yığmamızın heyətində 9 görüşdə meydana çıxan Şəhriyar rəqib qapılarına yol tapa bilməyib.
Kopyalandı
Seçilmişlər
