Azərbaycanlı MMA ustası rəqibini 1 dəqiqəyə məğlub edib

Azərbaycanlı MMA döyüşçüsü Əli İskəndər Əliyev “Georgian Fighting Championship”də parlaq qələbə qazanıb.

İdmançımız turnirin 25-ci seriyasında gürcüstanlı Giorgi Tabatadze ilə üz-üzə gəlib. 77 kq çəkidə çıxış edən Əliyev rəqibini artıq 1-ci raundda məğlub edib. O, boğucu fəndi uğurla tətbiq edərək parlaq qələbə qazanıb.

Qeyd edək ki, Əli İskəndər Əliyev karyerası ərzində keçirdiyi 8 döyüşün 7-də qalib gəlib, 1 dəfə isə uduzub. 26 yaşlı MMA ustası daha əvvəl “Freon Fight for Glory”, Oktaqon və “Ased Fighting Championship” kimi tanınmış təşkilatlarda da mübarizə aparıb.