Bakının Xətai rayonunda “İdman zonası” istifadəyə verilib

Paytaxtın Əhmədli qəsəbəsində “İdman zonası” istifadəyə verilib.

Bununla əlaqədar təşkil olunan tədbirdə gənclər və idman naziri Fərid Qayıbov, nazirlik rəsmiləri, eləcə də məşhur idmançılar qatılıblar. Onlar burada yaradılan şəraitlə tanış olduqdan sonra uşaqların minifutbol matçını izləyiblər.

Qeyd edək ki, “İdman zonası”nda minifutbol və basketbol meydançaları ilə yanaşı, müxtəlif yaş qruplarına uyğun fitnes avadanlıqları, habelə sakinlərin istirahəti üçün oturacaqlar quraşdırılıb. Bundan başqa, ərazi ödənişsiz “Wi-Fi” xidməti ilə də təmin edilib.