Pleyeri seçin:
Basketbol üzrə Avropa Liqasının finalı “Monako“ və “Fənərbağça“ arasında keçirilib
Birləşmiş Ərəb Əmirliklərinin paytaxtı Əbu-Dabidə basketbol üzrə Avropa Liqasının "Dördlər finalı"nda "Monako" və "Fənərbağça" arasında birinci yer uğrunda matç keçirilib.
Görüş 81:70 hesabı ilə İstanbul komandasının xeyrinə başa çatıb.
Beləliklə, Türkiyə klubu Avropa Liqasının qalibi olub, Monako komandası isə gümüş medal qazanıb.
"Fənərbağça"nın heyətində ən məhsuldar oyunçu amerikalı forvard Naycel Heys olub. O, 23 xal toplamağı, 9 ribaund etməyi və bir dəqiq ötürmə verməyi bacarıb.
"Monako"nun heyətində ən məhsuldar oyunçu amerikalı forvard Alfa Diallo olub. Sözügedən basketbolçu 19 xal toplayıb, üç ribaund və iki ötürmə ilə diqqət çəkib.
Kopyalandı
#Basketbol teqi istifadə olunub
Seçilmişlər
