İdman
Pleyeri seçin:
Basketbol yığmamız Ermənistan seçməsinə qalib gəldi
Azərbaycanın gənc qızlardan ibarət basketbol yığması Ermənistan kollektivini darmadağın edib.
16 yaşadək idmançılar arasında Avropa çempionatının C divizionunda keçirilən görüşdə təmsilçilərimiz 86:59 hesablı qələbə qazanıblar.
Cəbəllütariqdə təşkil olunan oyunun ilk periodu millimizin 20-13 hesablı üstünlüyü ilə bitib. Böyük fasilə ərəfəsində təşəbbüsü əldən verməyən basketbolçularımız fərqi bir qədər də artırıblar. Növbəti hissələr də idmançılarımızın uğurlu oyunu ilə əlamətdar olub. Nəticədə komandamız qarşılaşmadan inamlı qələbə ilə ayrılıb.
Qeyd edək ki, yığmamız bu yarış çərçivəsində iyulun 10-u Gürcüstan kollektivi ilə, 1 gün sonra isə Kipr basketbolçuları ilə üz-üzə gələcək.
Kopyalandı
Seçilmişlər
