Boksçumuz Murad Allahverdiyev erməni rəqibini məğlub etdi

Polşada keçirilən III Avropa Oyunlarında gənc boksçumuz Murad Allahverdiyev ermənistanlı rəqibi üzərində parlaq qələbə qazanıb.

1/4 final mərhələsində Hambardzum Hakobyanla qarşılaşan idmançımız 3 raundun yekununda hakimlərin qərarı ilə görüşün qalibi elan olunub. Ermənistan nümayəndəsi üzərində qələbədən sonra yarımfinala yüksələn Murad bu uğurunu əsgər salamı ilə qeyd edib.

Qeyd edək ki, yarımfinala adlamaqla həm bürünc medalı təmin edən, həm də Paris-2024 Yay Olimpiadasına vəsiqə qazanan Murad növbəti görüşünü xorvatiyalı Qabriel Veoçiçə qarşı keçirəcək. Bu döyüş iyunun 30-da baş tutacaq.