Cüdo üzrə dünya çempionu Hidayət Heydərov vətənə qayıdıb

Birləşmiş Ərəb Əmirliklərində keçirilən yarışda dünya çempionu olan Hidayət Heydərov Vətənə qayıdıb.

Cüdoçumuz Heydər Əliyev adına Beynəlxalq Hava Limanında böyük coşqu ilə qarşılanıb.

O, jurnalistlərə açıqlamasında növbəti hədəfinin Paris-2024 Yay Olimpiya Oyunlarında uğur qazanmaq olduğunu söyləyib.

H.Heydərov Yay Olimpiya Oyunlarında qızıl medal qazana biləcəyinə inandığını vurğulayıb: “Sadəcə səbirli olmalıyıq, bu yarışmaya necə hazırlaşmışdıqsa, eyni qaydada olimpiadaya da hazırlaşmaq lazımdır”.