Daha bir cüdoçumuz dünya çempionu olub

Birləşmiş Ərəb Əmirliklərində keçirilən dünya çempionatında daha bir cüdoçumuz qızıl medal qazanıb.

100 kq çəki dərəcəsində yer alan Zelim Kotsoyev Əbu-Dabi şəhərindəki yarışda fəxri kürsünün ən yüksək pilləsinə qalxıb. O, finala gedən yolda əvvəlcə Koreya təmsilçisini məğlub edib.

Növbəti mərhələlərdə isə İsrail, İspaniya və Portuqaliya nümayəndələri Zelimlə bacarmayıblar. Həlledici görüşdə kanadalı Şedi Elnahasla üz-üzə gələn Z.Kotsoyev burada da qələbə qazanaraq dünya çempionu olub.