Pleyeri seçin:
Formula 1 Azərbaycan Qran-prisinin müqaviləsi uzadılıb
Bakının sayca 9-cu dəfə ev sahibliyi etdiyi “Formula 1” üzrə Azərbaycan Qran-prisi başa çatır.
Hazırda “Formula 2” üzrə əsas yarış keçirilir. Sıralama turunda ən yaxşı nəticəni “Dams Lukas Oil” komandasından Cek Krouford göstərib. Saat 15:00-da isə “Formula 1”də əsas yarış başlayacaq.
Yeri gəlmişkən, ölkəmizdə böyük marağa səbəb olan yarışların müddəti daha 4 il uzadılıb. “Formula 1” Bakıda 2030-cu ilə qədər keçiriləcək. Bu barədə yarışların rəsmi saytında məlumat paylaşılıb.
Razılaşmanı Azərbaycanın gənclər və idman naziri Fərid Qayıbov, “Formula 1”in prezidenti Stefano Domenikali və Bakı Şəhər Halqası Əməliyyat Şirkətinin icraçı direktoru Maqsud Fərzullayev imzalayıblar.
Xatırladaq ki, daha öncəki razılaşmaya əsasən, ən son yarışın 2026-cı ildə keçirilməsi nəzərdə tutulurdu.
Kopyalandı
Seçilmişlər
