İdman
Pleyeri seçin:
Hidayət Heydərov Olimpiya çempionluğu ilə bağlı paylaşım etdi
Paris Yay Olimpiya Oyunlarında ölkəmizə ilk qızıl medalı qazandıran cüdoçumuz Hidayət Heydərov şəxsi instaqram hesabında paylaşım edib.
Onu dəstəkləyən hər kəsə minnətdarlığını bildirən Hidayət “16 il sonra Azərbaycana cüdodan Olimpiya qızıl medalını gətirdiyim üçün çox xoşbəxtəm. Bu il Avropa, Dünya və Olimpiya oyunlarında məni dəstəkləyən, inanan hər kəsə dərin minnətdarlığımı bildirirəm. Önümüzdəki illərdə də Azərbaycan bayrağını kürsünün ən yüksək pilləsində dalğalandıracağıma da sözüm olsun”, – sözlərini yazıb.
Xatırladaq ki, Olimpiya Oyunlarına 1/8 final mərhələsindən başlayan Hidayət Heydərov ardıcıl olaraq İsrail, Kanada və Kosovo nümayəndələrinə qalib gələrək finala adlayıb. Həlledici görüşdə isə fransalı Joan Benjamen Qabanı məğlub edən cüdoçumuz Olimpiya çempionu olmaqla yanaşı, ölkəmizə bu turnirdə ilk medalı qazandırıb.
Kopyalandı
Seçilmişlər
