Pleyeri seçin:
III Avropa Oyunlarının bağlanış mərasimi keçirilib
Polşada keçirilən III Avropa Oyunlarının bağlanış mərasimi baş tutub.
Krakov şəhərinin Henrik Reyman stadionunda təşkil olunan tədbirdə Azərbaycan nümayəndə heyəti də iştirak edib. Bağlanış mərasimində komandamızın bayraqdarı yarışın gümüş mükafatına yiyələnən boksçumuz Məhəmməd Abdullayev olub.
Qeyd edək ki, Krakovla yanaşı, Malopolska bölgəsinin şəhərlərində keçirilən Avropa Oyunlarında 11 mükafat qazanan Azərbaycan komandası 24-cü yeri tutub. Təmsilçilərimizdən Tural Ağalarzadə və İrina Zaretska karate, Fərid Ağamoğlanov isə kikboksinqdə fəxri kürsünün ən yüksək pilləsinə qalxıb. Boksçumuz Məhəmməd Abdullayev və taekvondoçumuz Səyyad Dadaşov turniri gümüş mükafatla tamamlayıblar.
Digər idmançılarımızdan Aysu Dərvişova, Emili Rzayeva və Xəyal Əliyev muay-tay, Murad Allahverdiyev boks, Asiman Qurbanlı karate, Qaşım Maqomedov isə taekvondoda bürünc medalın sahibi olublar.
Kopyalandı
