Pleyeri seçin:
İngiltərə və İtaliya çempionatlarında 1-ci turun oyunları olub
İngiltərə Premyer liqasında ilk turun sonuncu matçı “Lester Siti” və “Tottenhem” arasında olub.
“Kinq Pauer Stedium”da keçirilən görüşə “mahmızlar” sürətli hücumlarla başlayıblar. Londonluların səyləri 29-cu dəqiqədə Pedro Porronun qolu ilə nəticələnib.
Fasiləyə irəlidə yollanan “Hotspur” 2-ci yarıda üstünlüyünü qoruya bilməyib. 57-ci dəqiqədə Ceymi Vardi Qulyelmo Vikarionun qoruduğu qapıya yol tapıb. “Tülkülər” bundan sonra da fərqlənməyə yaxın olsalar da, görüşdə başqa qol olmayıb. “Lester” – “Tottenhem”: 1-1.
Yeni mövsüm ərəfəsində baş məşqçi postuna Tyaqo Mottanı gətirən “Yuventus” A Seriyasına inamlı qələbə ilə start verib. 1-ci turda “Komo”nu qəbul edən “Qoca Sinyora” 3-0 hesablı qalibiyyət əldə edib. “Byankoneri”nin heyətində debütant Samuel Mbanqula ilə yanaşı, Timoti Vea və Andrea Kambiaso fərqləniblər.
Növbəti turda Turin təmsilçisini Verona səfərində eyni adlı komanda ilə qarşılaşma gözləyir.
Kopyalandı
