Kriştiano Ronaldonun karyerasını növbəti mövsümü harada keçirəcəyi ilə bağlı yeni məlumatlar var

22 may 2025 436 baxış

Kriştiano Ronaldonun Səudiyyə Ərəbistanının “Əl-Nəsr” klubu ilə müqaviləsi ilin sonunda başa çatacaq.

Portuqaliyalı ulduzun karyerasında növbəti mövsümü harada keçirəcəyi ilə bağlı şayiələr artmaqda davam edir.

Müzakirə olunan mümkün variantlar arasında Türkiyənin “Beşiktaş” klubunun adı da hallanır. Müəyyən olunub ki, Ronaldonun “Mançester Yunayted”də birlikdə çalışdığı hazırda isə İstanbul klubunun baş məşqçisi Ole Qunnar Sulşer futbolçunun xidmətində şəxsən maraqlıdır.

Qeyd olunur ki, norveçli mütəxəssis bu istəyini klub rəhbərliyinə də çatdırıb. “Beşiktaş” klubunun rəsmiləri isə konkret cavab verməyiblər.

Britaniya mediası 40 yaşlı forvardın müqaviləsi başa çatdıqdan sonra keçə biləcəyi beş potensial klubun siyahısını da təqdim edib. Bunlar Portuqaliyanın “Sportinq” klubu, Səudiyyə Ərəbistanının “Əl-Əhli” kollektivi, ABŞ-nin “Los-Anceles” komandası, İngiltərə Premyer Liqası təmsilçisi “Çelsi” və Türkiyənin “Beşiktaş” klubudur.

#Kriştiano Ronaldo