Mbappe və “Real” arasında razılıq çox yaxındır

“Pari Sen-Jermen”in üzvü Kilian Mbappe bu ilin yayında başa çatacaq müqaviləsini uzatmayacaq.

Klubun prezidenti Nasser Əl-Xelaifi ilə görüşən 25 yaşlı futbolçu yayda azad agent kimi komandadan gedəcəyini bildirib.

Bu barədə dünyanın aparıcı idman nəşrləri, o cümlədən məşhur insayder Fabritsio Romano məlumat yayıb.

Bildirilir ki, Kilian Madrid “Real”ının nümayəndələri ilə əlaqə saxlayaraq bu yay “los blankos”a keçəcəyini deyib. Ancaq Mbappe və İspaniya nəhəngi məvacib baxımından hələ də razılığa gəlməyiblər.

Yayılan məlumata görə, “Real” oyunçuya PSJ ilə müqayisədə daha az məbləğ təklif edir. Bu səbəbdən fransalı hücumçu ilə hələ ki tam razılıq əldə olunmayıb.