Musa Qurbanlı İtaliya klubunun maraq dairəsindədir

“Qarabağ”ın istedadlı hücumçusu Musa Qurbanlı İtaliya komandasının maraq dairəsindədir.

KİV-də yayılan xəbərlərə əsasən, “Torino” klubu 21 yaşlı forvardın çıxışını diqqət mərkəzində saxlayır. Son xəbərlərə görə, Turin təmsilçisi keçidi reallaşdırmaq üçün Canni De Byazinin köməkliyindən istifadə etmək niyyətindədir

. Belə ki, hazırda Azərbaycan millisinin baş məşqçisi olan Canni De Byazi 2005-2006-cı illər mövsümündə və 2007-2008-ci illərdə “Torino”da işləyib. Bu faktordan yararlanmağa çalışan A Seriyası klubu eyni zamanda “Qarabağ”a da sərfəli təklif göndərməyi planlaşdırır.

Qeyd edək ki, mediada yayılan məlumata əsasən, “Torino” ilə yanaşı, Türkiyə klubları da M.Qurbanlının dəvətində maraqlıdır.