“Neftçi” komandası bu gün “Qarabağ”la qarşılaşacaq

“Neftçi” komandası bu gün Azərbaycan Premyer liqasında növbəti matçına çıxacaq.

“Ağ-qaralar” 7-ci turun qarşılaşmasında “Qarabağ”ın qonağı olacaq.

“Azərsun Arena”da təşkil olunacaq oyun saat 20:00-da start götürəcək. Görüşün baş hakimi isə FIFA referisi Əliyar Ağayev olacaq.

Qeyd edək ki, “Neftçi” Azərbaycan derbisi ərəfəsində yarış cədvəlində 9-cu yerdədir. Geridə qalan 6 tur ərzində qalib gəlməyən paytaxt təmsilçisinin aktivində 4 xal var. 12 xal toplayan “Qarabağ” isə 2-ci pillədə qərarlaşıb. “Köhlən atlar” lider “Turan Tovuz”dan 2 xal geri qalır.