Neymar PSJ-dən ayrılmaq qərarına gəlib

PSJ-nin əsas ulduzlarından Neymar kollektivi tərk etməyə qərar verib.

Klub rəhbərliyi ilə fikir ayrılıqları olan braziliyalı “Pari Sen-Jermen” fanatlarının evi qarşısında aksiya keçirməsindən də sarsılıb. Azarkeşlərin bu davranışından şoka düşən 31 yaşlı forvard komandasını dəyişmək qərarına gəlib. Onu PSJ-dən ayrılmağa sövq edən daha bir səbəb isə Lionel Messinin klubla müqaviləsini uzatmaqdan imtina etməsidir.

Qeyd edək ki, Paris təmsilçisi ilə 2025-ci ilədək sözləşməsi olan Neymar “Çelsi” və “Nyukasl”ın maraq dairəsindədir. Ancaq adıçəkilən klublar hələ ki, hücumçunun agentləri ilə əlaqə saxlamayıblar.