Pleyeri seçin:
PSJ-dən "Barselona"nın futbolçusu üçün 200 milyonluq təklif
“Barselona”nın gənc futbolçusu Lamin Yamal karyerasını Fransada davam etdirə bilər.
İspaniya mətbuatında yayılan xəbərə görə, 16 yaşlı vinger PSJ-nin əsas transfer hədəfidir. Belə ki, “Pari Sen-Jermen” Yamalı yayda komandadan ayrılacaq Kilian Mbappenin əvəzləyicisi kimi görür.
İddia olunur ki, parislilər müqaviləsi 2026-cı ilə qədər olan Lamin üçün 200 milyon avro ödəməyə hazırdır.
Qeyd edək ki, “Barselona”nın yetirməsi olan Lamin ötən ildən əsas heyətin üzvüdür. 2022/2023-cü illər mövsümündə İspaniya çempionatını qazanan Yamal ümumilikdə 45 matçda “blauqrana”nın formasını geyinib. O, bu qarşılaşmalarda 6 qol və 8 məhsuldar ötürmə ilə diqqət çəkib. 2023-cü ilin sentyabrından İspaniya millisinə də çağırılan Yamal 6 görüşdə 2 qol vurub.
Kopyalandı
#Barselona FK teqi istifadə olunub
Seçilmişlər
