PSJ klubu Kilian Mbappeni saxlamaq üçün bu addımı atıb

PSJ ulduz futbolçusu Kilian Mbappeni komandada saxlamaq üçün daha bir addım atıb.

Xarici mediada yayılan məlumata görə, klub müqaviləsi yayda başa çatacaq hücumçuya 4 illik sözləşmə çərçivəsində 400 milyon avro təklif edib. Kilian buna razılıq versə, onun illik məvacibi 100 milyon avro təşkil edəcək.

Bundan başqa, 25 yaşlı forvard reklam gəlirləri və müxtəlif mükafatlardan da gəlir əldə etmək imkanına sahib olacaq.

Qeyd edək ki, Kilian Mbappe həm də “Real Madrid”in transfer hədəfidir. Lakin “kral klubu” ona eyni məbləği ödəməyə hazır deyil. Bu səbəbdən Kilianın yekunda PSJ-də qalacağı iddia olunur.