“Qarabağ” dünya reytinqində 7 pillə irəliləyib

Beynəlxalq Futbol Tarixi və Statistikaları Federasiyası fevral ayı üzrə klubların yeni reytinq siyahısını açıqlayıb. Ümumən 307 komandanın olduğu sıralamada Azərbaycan təmsilçilərindən yalnız "Qarabağ" yer alıb.

149 xalı olan "köhlən atlar” ötən ayla müqayisədə 7 pillə irəliləyərək 62-ci sıraya yüksəlib. Ağdam təmsilçisi “Atletiko Madrid”, “Salzburq”, “Bayer Leverkuzen”, “Sevilya” və “Qalatasaray” kimi məşhur kollektivləri geridə qoyub.