“Qarabağ” klubundan 8 milyonluq tələb

“Qarabağ” əsas qol silahı Olavio Juninyonu klubdan göndərmək niyyətində deyil.

Belə ki, braziliyalını transfer etmək istəyən “Beşiktaş”ın idman direktoru Samet Aybaba keçidlə bağlı klub nümayəndələri və hücumçunun özü ilə görüşüb. Ağdam təmsilçisi isə Olavio üçün 8 milyon avro istədiyini bildirilib. Lakin “Ağ-qaralar” hazırda bu məbləğin çox olduğunu bildirərək növbəti görüşlərdə qiymətin uyğun bir həddə gətiriləcəyinə inandıqlarını vurğulayıblar. Bu barədə Türkiyə mətbuatında məlumat verilib.

Qeyd edək ki, Samet Aybaba 27 yaşlı forvardı Avropa liqasının 1/8 finalında "Qarabağ" - "Bayer" oyununda canlı izləyib, bəyənərək rəhbərliyə məlumat verib.