Pleyeri seçin:
“Qarabağ” komandası “Ludoqorets”i darmadağın edib
“Qarabağ” komandası Çempionlar liqasında pley-off mərhələsinə yüksəlib.
III təsnifat mərhələsinin ilk matçında “Ludoqorets”ə 1-2 hesabı ilə uduzan “köhlən atlar” Bolqarıstandakı cavab görüşündə 7-2 hesablı qələbə qazanaraq növbəti raunda adlayıblar.
Təmsilçimiz bu mərhələdə Xorvatiya çempionu “Dinamo Zaqreb”lə üz-üzə gələcək. Tərəflər arasında ilk qarşılaşma avqustun 20-si Xorvatiyada, cavab görüşü isə avqustun 27-si Bakıda olacaq.
Qeyd edək ki, “Ludoqorets” və “Qarabağ” arasında 2-ci matçda əsas vaxt Ağdam klubunun 3-2 hesablı üstünlüyü ilə bitib. Komandamızdan Juninyo, Benzia və Patrik Andradenin qollarına meydan sahibləri Kvadvo Duanın dublu ilə cavab veriblər. 90 dəqiqənin yekununda iki görüşün nəticəsinə əsasən ümumi hesab 4-4 olduğundan əlavə vaxta ehtiyac yaranıb.
Burada isə “Qarabağ” daha 4 qol vurub. Dubl edən Andrade və Benzia ilə yanaşı, Toral Bayramov və Redon Cica fərqləniblər.
Kopyalandı
#Qarbabağ FK teqi istifadə olunub
