Pleyeri seçin:
"Qarabağ” və “Neftçi”nin dünya reytinqində mövqeyi açıqlandı
“Qarabağ” və “Neftçi” klublarının dünya reytinqində yeni mövqeləri məlum olub.
Beynəlxalq Futbol Tarixi və Statistikaları Federasiyasının tərtib etdiyi siyahıda Ağdam təmsilçisi 3 pillə geriləyib. 138,5 xalı olan “köhlən atlar” “Seltik”lə birlikdə 74-cü yerdədir.
Reytinqdə “Atletiko Madrid” və “Marsel” kimi kollektivləri qabaqlayan Azərbaycan çempionu ilə müqayisədə “Neftçi”nin mövqeyi daha pisdir. 67 xalı olan Bakı komandası 300 klubun olduğu siyahıda 291-ci pillədədir.
Qeyd edək ki, sıralamaya 315 xalla “Real Madrid” başçılıq edir. “Kral klubu” Çempionlar Liqasının qalibi, 2-ci yerdə olan “Mançester Siti”ni 4 xal qabaqlayır. İlk 3-lüyü 296 xalla Libertadores kubokunun son qalibi “Flamenqo” qapayır.
Bundan başqa, ilk 10-luqda Portuqaliyanın “Benfika” və “Portu”, İtaliyanın “İnter” və “Napoli”, Misirin “Əl-Əhli”, İngiltərənin “Mançester Yunayted” və Ekvadorun “İndependente del Valye” komandaları yer alıblar.
Kopyalandı
#Qarbabağ FK teqi istifadə olunub
