“Qarabağ” UEFA Konfrans liqasında tarixi oyuna çıxır

“Qarabağ” komandası bu gün UEFA Konfrans liqasında tarixi oyuna çıxır.

Bakıdakı qarşılaşmada 1-0 hesabı ilə qalib gələn “köhlən atlar” 1/16 final mərhələsinin cavab görüşündə səfərdə Belçikanın “Gent” kollektivi ilə üz-üzə gələcək.

Ağdam təmsilçisi bu matçda qalib gələcəyi təqdirdə, avrokuboklarda 1/8 finala yüksələn ilk klubumuz olacaq. Gent şəhərində keçiriləcək oyun ərəfəsində komandamızın heyətində bir sıra itkilər var.

Bekə ki, Şahruddin Məhəmmədəliyev, Abbas Hüseynov və Marko Yankoviç zədə səbəbindən matçı buraxırlar. “Gent”də isə yarımmüdafiəçi Endryü Hülsager eyni səbəbdən meydana çıxmayacaq.