Pleyeri seçin:
"Global Media Group" əməkdaşları arasında minifutbol yarışı keçirilir
Mayın 21-də “Global Media Group”un tərkibinə daxil olan şirkətlər arasında minifutbol turniri start götürüb.
Ümumilikdə 5 komandanın mübarizə apardığı yarışda “Report” İnformasiya Agentliyi, “Oxu.az” və “Baku.ws” xəbər saytları, “Baku TV” televiziyası və “Global Management” şirkətinin kollektivləri iştirak edirlər.
Turnirin ilk matçında “Baku.ws” və “Report” komandaları üz-üzə gəliblər. Qarşılaşma “Baku.ws”in 5-3 hesablı qələbəsi ilə yekunlaşıb.
Növbəti oyunda isə “Global Management” “Oxu.az” kollektivinə 11-0 hesabı ilə qalib gəlib.
Qeyd edək ki, “Global Media Group”un tərkibinə daxil olan şirkətlər arasında yarış ikidövrəli sistem üzrə keçirilir. İyunun 13-də başa çatacaq turniri AFFA-nın Hakimlər Komitəsi tərəfindən təyin edilən hakimlər idarə edir. Yarışda fərqlənənlərə kubok və mükafatlar təqdim olunacaq.
Kopyalandı
#Global Media Group teqi istifadə olunub
Seçilmişlər
