"Mançester Yunayted" ulduz hücumçunu heyətə qatmağa hazırlaşır

“Mançester Yunayted” qış transfer pəncərəsində heyətini gücləndirməyə hazırlaşır.

“Qırmızı şeytanlar”ın əsas hədəflərindən biri hücum xəttinə yeni futbolçu cəlb etməkdir.

Son xəbərlərə görə, mankunianlar Timo Verneri komandaya dəvət etməyi planlaşdırır. Bildirilir ki, “Yunayted” Verneri icarə əsasında heyətə qatmaq niyyətindədir.

Qeyd edək ki, “transfermarkt” portalına əsasən dəyəri 17 milyon avro olan Verner daha əvvəl də İngiltərə Premyer liqasında top qovub. 2020-ci ildə 53 milyon avroya “Çelsi”yə qoşulan hücumçu 89 oyunda 23 qol vurmaqla yanaşı, 2021-ci ildə Çempionlar liqasının qalibi olub.