Pleyeri seçin:
"Neftçi"nin Türkiyədə ilk yoxlama görüşü baş tutub
Xəbərlərimizi Google-da izləyin
Yeniliklərdən dərhal xəbərdar olun
"Neftçi" klubu Türkiyədə ilk yoxlama oyununu keçirib.
Ərzurum bölgəsində təlim-məşq toplanışında olan “ağ-qaralar” Super Liqa təmsilçisi “Alanyaspor”la üz-üzə gəlib.
Görüş “Neftçi”nin 3-1 hesablı qələbəsi ilə yekunlaşıb. Paytaxt təmsilçisinin heyətindən Höccət Haqverdi, Emin Mahmudov və Yuri Matias fərqləniblər.
Qeyd edək ki, “Neftçi” toplanış çərçivəsində daha 3 yoxlama görüşü keçirməyi planlaşdırır. Kollektivin növbəti matçı iyulun 17-si “Sivasspor”a qarşı olacaq.
Xatırladaq ki, yeni mövsümə hazırlığını davam etdirən “Neftçi” komandası daha əvvəl Ataa Caber, İvan Brkiç, Aqil Məmmədov, Rezuan Mirzov, Eddi İsrafilov və Ömər Buludovla yollarını ayırıb. Əvəzində “ağ-qaralar” Monteneqro millisinin üzvü Edvin Kuç və yığmamızın üzvü Emil Səfərovu heyətinə qatıb.
Kopyalandı
Seçilmişlər
