"Qarabağ"ın Çempionlar Liqasında ilk oyunu baş tutub

“Qarabağ” klubu UEFA Çempionlar liqasında ilk matçına çıxıb.

“Köhlən atlar” II təsnifat mərhələsi çərçivəsində Cəbəllütariqin “Linkoln” kollektivi ilə üz-üzə gəlib.

“Viktoriya” stadionunda keçirilən görüşdə hesabı ağdamlılar açıb. İlk hissəyə əlavə olunan dəqiqələrdə Juninyo “qırmızı şeytanlar”ın qapısını dəqiq nişan alıb. “Qarabağ” fasiləyə minimal üstünlüklə yollanıb.

Ağdam təmsilçisi ikinci yarıda da üstünlüyü əldən verməyib. Görüşdə son nöqtəni Toral Bayramov qoyub. “Linkoln” – “Qarabağ”: 0-2.

Qeyd edək ki, tərəflər arasında cavab matçı iyulun 30-u Tofiq Bəhramov adına Respublika Stadionunda baş tutacaq. Qarşılaşmanın start fiti saat 20:00-da veriləcək.