İdman
Pleyeri seçin:
"Real Madrid" Kilian Mbappenin transferindən narazıdır
“Real Madrid” klubu ulduz futbolçu Kilian Mbappenin transferindən narazıdır. Bu barədə tanınmış jurnalist Romen Molina məlumat verib.
Onun sözlərinə görə, “Kral klubu” K.Mbappeni komandaya dəvət etdiyi üçün peşman olub.
“Bu sözləri mənə səs qeydi olmadan deyiblər. Kilianı məhz Florentino Peres istəyib, o, ulduz futbolçuları sevir. Klub üzvləri isə 25 yaşlı forvardın oyun səviyyəsindən narazıdır", – deyə o bildirib.
Qeyd edək ki, Kilian Mbappe iyulun 1-dən “Real”ın üzvüdür. PSJ-dən azad agent kimi cəlb olunan oyunçu 12 görüşdə iştirak edib və 8 qol vurub. Bundan başqa, o, komanda ilə UEFA Super Kubokunda qalib gəlib.
Xatırladaq ki, PSJ-nin tarixində ən sərrast futbolçu olan Kilian bu kollektivin forması ilə 308 matçda 256 qolla yadda qalıb.
Kopyalandı
Seçilmişlər
