"Zirə" klubu Konfrans liqasında növbəti matçına çıxıb

“Zirə” komandası UEFA Konfrans liqasında növbəti matçına çıxıb.

“Qartallar” pley-off mərhələsinin ilk görüşündə Kiprin “Omoniya” klubunun qonağı olublar.

Nikosiya şəhərindəki “GSP Arena”da keçirilən qarşılaşmanın ilk hissəsində 3 qol vurulub. Meydan sahiblərindən Əmin Həmmas, Villi Semedu və Mariuş Stepinski fərqləniblər.

2-ci yarının əvvəlində “Zirə”nin baş məşqçisi Rəşad Sadıqov ardıcıl əvəzetmələr etsə də, gedişatı dəyişmək mümkün olmayıb. “Omoniya” fasilədən sonra da 3 dəfə təmsilçimizin qapısına yol tapıb. Dubl edən Stepinski və Semedu ilə yanaşı, Evandronun zərbəsi dəqiq alınıb. Qalan vaxtda başqa olmayıb və oyun “Omoniya”nın 6-0 hesablı qələbəsi ilə yekunlaşıb.

Komandalar arasında pley-off mərhələsinin cavab görüşü avqustun 29-u Bakıda keçiriləcək.