"Zirə" Konfrans liqasında "Omoniya"ya qarşı

Ölkəmizin avrokubokdakı təmsilçilərindən “Zirə” bu gün Konfrans liqasında növbəti matçına çıxacaq.

Baş məşqçi Rəşad Sadıqovun komandası pley-off mərhələsinin ilk görüşündə Kiprin “Omoniya” klubunun qonağı olacaq.

Nikosiya şəhərindəki GSP Arenada keçiriləcək və Bakı vaxtı ilə saat 21:00-da start götürəcək oyunu estoniyalı referi Yuri Fişer idarə edəcək. Bu kollektivlər arasında cavab qarşılaşması isə avqustun 29-u Bakıda təşkil olunacaq.