Pleyeri seçin:
Ramil Şeydayev Türkiyə klubuna keçib
Azərbaycan millisinin üzvü Ramil Şeydayev karyerasını Türkiyədə davam etdirəcək.
Son olaraq Tailandın “Buriram Yunayted” klubunda top qovan Ramil 1-ci liqa təmsilçisi “Kocaelispor”la 1 il yarımlıq müqavilə imzalayıb.
Türkiyə mətbuatında yayılan məlumata görə, Ramil yeni komandasında artıq ilk məşqinə də çıxıb. Bildirilib ki, 27 yaşlı hücumçu mövsümün sonuna qədər mükafatlar da daxil olmaqla 300 min avro qazanacaq.
Xatırladaq ki, ötən yay “Qarabağ”la sözləşməsi başa çatan Ramil Şeydayev “Buriram Yunayted”lə müqavilə imzalamışdı. Bu müddət ərzində 16 matça çıxan forvard 1 qol və 4 məhsuldar ötürmə müəllifi olub.
Qeyd edək ki, R.Şeydayevin yeni komandası “Kocaelispor” 18 turdan sonra 1-ci liqada 3-cü pillədə qərarlaşıb.
Kopyalandı
#Ramil Şeydayev teqi istifadə olunub
Seçilmişlər
