Şahruddin Məhəmmədəliyev 1 oyunda 6 top buraxıb

Milli komandamızın əsas qapıçısı, “Adana Dəmirspor”da çıxış edən Şahruddin Məhəmmədəliyev Türkiyə Superliqasının 36-cı turunda uğursuzluqla üzləşib.

O, “Qaziantep”lə görüşdə qapısından 6 top buraxıb. Bununla da, Adana təmsilçisinin heyətində bütün yarışlarda 24-cü oyununu keçirən Şahruddin ümumilikdə 38-ci dəfə qapısında top görüb. “Yeni Adana” stadionunda keçirilən matç isə qonaqların 6-1 hesablı qələbəsi ilə yekunlaşıb.

Qeyd edək ki, Ş.Məhəmmədəliyev 2023-cü ilin sentyabrından Türkiyə klubunun formasını geyinir. “Transfermarkt” portalına görə, dəyəri 850 min avro olan qolkiperin müqaviləsi 2025-ci ilə qədərdir.