“Şamaxı”-“Neftçi” matçında qeyri-adi pankart açılıb

Azərbaycan çempionatında 26-cı turun “Şamaxı”-“Neftçi” matçında maraqlı pankart açılıb.

Belə ki, “Şamaxı” klubunun üzvü Fuad Bayramovun atası Ehtibar Bayramov azarkeşi olduğu “Neftçi”dən üzr istəyib. O, əllərində “40 illik “Neftçi”, məni bağışla, artıq “Şamaxı”nın fanatıyam”, - sözləri yazılan pankartla diqqət çəkib.

Qeyd edək ki, 25 yaşlı Fuad Bayramov 2021-ci ildən Şamaxı təmsilçisinin şərəfini qoruyur. O, daha əvvəl “Şüvəlan”, “Sumqayıt” və “Turan Tovuz” klublarında top qovub.